ESKATU INFORMAZIOA

 
BERRIAK

Hemen aurki ditzakezu IDEKOri buruzko azken berriak

IDEKOk lidergo teknologikoarekin bat egin du Leaders in Tech 2021 foroan

IDEKOk lidergo teknologikoarekin bat egin du Leaders in Tech 2021 foroan
  • Nerea Aranguren zentro teknologikoko zuzendari nagusiak "etorkizuneko teknologiak industrian" mahai-inguruan parte hartuko du gaur, zientziaren, teknologiaren eta berrikuntzaren arloko erreferenteak biltzen dituen hitzaldiaren bigarren edizioan.
  • Innolab Bilbaok antolatzen du emakumeek teknologiaren arloan duten eragina ikusarazten eta aitortzen laguntzen duen ekitaldian.

IDEKO fabrikazio aurreratuan espezializatutako zentro teknologikoak giza kapitalaren bikaintasunaren eta emakumeen eta gizonen arteko berdintasunaren aldeko apustua egiten du, bokazio teknologiko eta zientifikoak sustatuz eta emakumeek industrian egiten duten ekarpena ikusarazteko ekimenak aktibatuz.

Ildo horretan, Nerea Aranguren Basque Research and Technology Alliance (BRTA) aliantzako kide den IDEKO zentro teknologikoko zuzendaria izango da gaur Deustuko Unibertsitateko Paraninfoan egingo den Leaders in Tech hitzaldiaren bigarren edizioan; Aranguren zientzia, teknologia eta berrikuntzako erreferenteetako bat baita.

Zehazki, IDEKOko arduradun nagusiak gaur, urriak 15 ostirala, 10:00etan “Industriako etorkizuneko teknologiak” izeneko mahai-inguruan parte hartuko du.

Arangurenek azaldu duenez, zenbait teknologia nabarmenek, hala nola, adimen artifizialak, fabrikazio aditiboak eta ekoizpen prozesuetako kontrol eta mantentze prediktiboko sistemek, funtsezko zeregina izango dute datozen urteetako industriaren etorkizuna eta eraldaketa definitzeko.

Arangurenekin batera, Naiara Zubizarreta, fabrikazio aditiboko eta 3Dko Teknologien Espainiako Elkarteko (ADDIMAT) zuzendaria; Amagoia Paskual, ADDILANeko CEO; eta Leire de Olabarria, Automation Deviceseko (INGETEAM) zuzendari komertziala izango dira mahai inguruan.

Osasuna, industria eta energia

Lehen edizioaren arrakastaren ondoren, Leaders In Tech konferentzia zientzian eta berrikuntzan erreferenteak diren emakumeen topagune bihurtu da berriro ere, eta oraingo honetan, teknologia eta enpresen egoera eraldatzen ari diren aurrerapen teknologikoak eta erabilera-kasuak erakusten dituzte hiru sektore estrategikotan: osasuna, industria eta energia.

Innolab Bilbaok antolatuta, Bilboko Udalaren laguntzarekin, zientziaren eta teknologiaren alorretan emakumeek duten eragina eta ikerketa-lana ikusarazten eta aitortzen laguntzeko helburuarekin sortu zen ekitaldia.

2021eko jardunaldian 20 liderrek baino gehiagok parte hartu zuten, enpresa ekosistemako eta esparru zientifiko teknologikoko eragile publiko eta pribatuen arteko puzzle perfektua osatzeko.

Nabarmentzekoa da Teresa Riego, Espainiako Gobernuko Zientzia eta Berrikuntza Ministerioko Berrikuntzako idazkari nagusia, edo Angeles Santamaria, Iberdrola Españako Administrazio Kontseiluko kontseilari delegatuaren parte hartzea.

Gainera, Deustuko Unibertsitateko Ingeniaritza Fakultateak antolatutako Ada Byron 2021 sarien irabazleek ere parte hartuko dute hitzaldian.

NABARMENDUTAKO BERRIAK

KATEGORIAK