Industri fabrikazio eta produkziorako teknologietan espezializatutako zentro teknologikoa gara.
Industriarekin dugun erronka eta konpromiso nagusia da industriako fabrikazioarekin eta ekoizpenarekin lotura duten ezagutza zientifikoak eta teknologikoak sortzea eta transferitzea, enpresei berritzaile eta desberdinak diren soluzio teknologikoak emateko eta merkatuan posizionamendua hobetzen eta lehiakorragoak izaten laguntzeko.
Helburu horiek lortzeko, enpresen ekoizpen eta lehia ahalmenak hobetzen ditugu eta teknologia berriak sortu, geureganatu eta garatzen ditugu, horiekin balioa sortu eta sektore pribatuak gaur egun dituen erronkei eta etorkizunean izango dituztenei erantzuteko.
Merkatuan lehiatze posizio hobean egotera iristeko funtsezkoa da berrikuntzak ekoizpen bitartekoetan, produktuetan eta zerbitzuetan sartzeko babesa eta laguntza izatea, eta horretan dihardugu, prozesu eta merkatu berriak garatuz eta produktuak dibertsifikatuz.
IDEKOn bereizitako 4 ikerketa eremu ditugu: Dinamika eta Kontrola, Diseinua eta doitasunezko ingeniaritza, IKTak eta Automatizazioa, eta Fabrikazio Prozesuak.
Gure ikerketa lerroen bitartez, gure bezeroen oraingo eta etorkizuneko beharrak aztertzen ditugu, aukerak identifikatzen ditugu eta ikerketa jardueraren emaitzak balio eta diferentzia lehiakorra bihurtzen ditugu.
Ezagutza berriak geureganatu, garatu eta sortzen ditugu, industriak gaur egun dituen erronkei eta etorkizunean izango dituenei erantzuteko balio izango duten ezagutzak.
Hiru hamarkada daramatzagu industriako fabrikazioaren eta ekoizpenaren alorrean ikerketak egiten eta teknologiak garatzen. Gure jardueraren baitan sartzen da aukeren identifikazioa eta analisia, eta produktuen, negozio lerroen eta ekoizpen prozesuen diseinua eta garapena. Espezializazio handia dugu, baita ere, arazoak konpontzen, aholkularitza teknikoaren moduko zerbitzu teknologikoak eskainiz edo ekipamenduan oinarritutako zerbitzuak eskainiz.
Gure bezeroen leialtasunak, nazioarteko proiektuetan dugun presentziak eta gure langileek osatutako lantaldearen ospe ezagunak industriako fabrikaziorako eta ekoizpenerako teknologietan erreferente garela bermatzen dute.
Manufacturing processes for bio-based fibre-reinforced composite parts for structural applications
Data spaces for flexible production lines and supply chains for resilient manufacturing
Diseinu berritzailea eta mantentze lan prediktiborako teknologiak ekoizpen sistemen bizitza baliagarria luzatzeko.
Soluzio adimendunak datuetan oinarritutako aplikazioen garapena optimizatzeko
Kognitiboki hobetutako robotak metalezko piezak eta material konposatuak era malguan fabrikatzeko
Zero Akatsdun Fabrikazioko (ZDM) soluzio integratua balio erantsi handiko etapa anitzeko fabrikazio sistementzat
Gurpilak neurtzeko sistema aurreratua tren-sektorearen errentagarritasun handiagoa lortzeko
Lantokian erabaki azkar eta fidagarriak hartzeko simulazio eta monitorizazioa denbora errealean
Pertsonen eta roboten arteko elkarlanerako ingurune seguruagoak eta eraginkorragoak
Negozio eredu berrien azterketa eta bideragarritasunean lagunduko duen metodologia
