05/07/2023

Datuak aztertzeko plataforma eta pieza konplexuak automatikoki ikuskatzeko teknikak

Europako Saiakuntza Ez-suntsitzaileen Elkarteak Lisboan (Portugal) antolatutako Saiakuntza Ez suntsitzaileen Europako Kongresuan (ECNDT) parte hartuko du IDEKOkaste honetan.

Zentroko Fabrikazio Prozesuetako ikertzailek, bi irtenbide aurkeztuko dituzte, bata datu kopuru handien ebaluazioa arintzera bideratua eta bestea geometria konplexu atzemangarriak dituzten osagaiak automatikoki ikuskatzeko aukera agerian uztera bideratua

IDEKO zentro teknologikoa, Basque Research and Technology Alliance (BRTA) erakundeko kidea, Saiakuntza Ez Suntsitzaileen Europako 13. Biltzarrean (ECNDT) izango da gaur hasi eta uztailaren 7a arte. Portugalgo Saiakuntza Ez-suntsitzaileen Elkarteak (FSEND-RELACRE) antolatuta.

Saiakuntza ezsuntsitzaileei esker (NDT, ingelesez), fabrikatutako piezen egoera eta kalitatea egiazta daitezke, gainazaleko edo egiturazko kalterik eragin gabe, eskakizun eta balio handiko sektoreetan erabiltzen diren osagaietan, hala nola trenean, aeronautikan edo energia-sorkuntzan.

Hiru egunez, Portugalko hiriburuak diziplina horri lotutako komunitate osoa hartuko du: akademikoak, ikuskapen-enpresak, laborategi akreditatuak, industria eta ekipo-hornitzaileak, NDT arloan egindako azken aurrerapenetan sakontzeko eta sinergiak sortzeko.

IDEKOk oso ondo ezagutzen ditu ikuskapen ez-suntsitzaileen teknikak, eta presentzia nabarmena du kongresuan. Zehazki, zentroko Fabrikazio Prozesuen Ikerketa taldeko bi aditu, Iratxe Aizpuruak eta José Luis Lanzagortak, bi ponentzia emango dituzte. Bertan, bi sistema aurkeztuko dituzte, datuen analisia arintzeko eta eskuzko analisi tradizionaletatik geometria konplexuko piezetan automatizatuetara eboluzionatzeko hain zuzen.

Datu analisien prozesua bizkortzen

Gaur, lehen orduan, Iratxe Aizpuruak “Platform for ultrasonic data management and evaluation (Datu ultrasonikoak kudeatzeko eta ebaluatzeko plataforma)” hitzaldia emango du. Bere hitzaldian, ultrasoinuen bidezko saiakuntza ez-suntsitzaileetatik eratorritako datu-kopuru handia kudeatzeko eta ebaluatzeko IDEKOn garatutako soluzioa azalduko du.

Teknika honek frekuentzia altuko soinu uhinak erabiltzen ditu piezen barne akatsak detektatzeko, kalterik eta aldaketarik eragin gabe. Analisi horien ondorioz, datu kopuru handiak erregistratzen dira, eta, zenbait alderdi automatiza daitezkeen arren —hala nola erreferentzia-ereduekin alderatzea—,badira fabrikazioan zehaztasun handia behar duten piezak, geometria konplexua dutenak, eta aditu batek azterketa sakona egin behar duena.

Prozesu hori arintzeko, IDEKek hainbat metodoren ikuskapenen emaitzak gordetzeko eta, aldi berean, sistemaren parametroak behar bezala funtzionatzen ari diren kontrolatzeko gai den plataforma garatu du. Gainera, soluzio horrek adimen artifizialean oinarritutako algoritmo aurreratuak ditu, analisien datuak prozesatu eta aztertzen dituztenak.

Plataforma honek abantaila handiak ditu. “plataformak duen algutasunari esker, erabiltzaileen arteko lankidetza sustatzen du. Gainera, ordenagailu lokal batean erabil daiteke, eta hodeitik ere sar daiteke”, dio Aizpuruak.

Prozesu hori arintzeko, IDEKek hainbat metodoren ikuskapenen emaitzak gordetzeko eta, aldi berean, sistemaren parametroak behar bezala funtzionatzen ari diren kontrolatzeko gai den plataforma garatu du. Gainera, soluzio horrek adimen artifizialean oinarritutako algoritmo aurreratuak ditu, analisien datuak prozesatu eta aztertzen dituztenak.

Eskuzko ikuskapenetik automatikora

Bigarren hitzaldia “Novel automatic inspections (Ikuskapen automatiko berriak)” José Luis Lanzagortak emango du bihar, uztailak 6, osteguna. Ultrasoinuen eta indukzio elektromagnetikoaren soluzio automatikoak aurkeztuko ditu ikertzaileak. Soluzio horietan, Machine Learning algoritmoak aplikatu ahal izango dira, piezen akatsak errazago atzemateko.

Horri dagokionez, bi ikuskatze-banku automatiko sortu ditugu, lan horiek modu zehatzean egiteko aukera ematen dutenak, ikuskapen automatizaturako sarbide zaila duten eta algoritmo aurreratuak behar dituzten pieza handi eta geometria konplexuen eskuzko analisia ordezkatzeko.

“Osagai horien azterketa ekonomikoki errentagarria izan dadin, ikuskapen-sistema espezializatuak eta informazio-bolumen handia prozesa dezaketen algoritmo aurreratuak behar dira”, azaldu du Lanzagortak.

Osagai horien ikuskapen automatizatua posible egiteko IDEKO garatu duen irtenbideetako batean, Eddy Current-en teknika erabiltzen da. Teknika hori baliagarria da pieza metalikoen edo korronte elektromagnetikoak eroaten dituzten beste material batzuen gainazalean akatsak edo irregulartasunak detektatzeko.

Bestean, ultrasoinuen bidezko ikuskapen automatikoko banku bat sortu du zentro teknologikoak, bridak ikuskatzeko eta hainbat eremutako barne-akatsak detektatzeko, elementu anitzeko ultrasoinuzko zunda baten bidez (Phased Array), uhinak norabide jakin batean orientatzeko.

Ikertzailearen arabera, irtenbide horri laguntzeko, metodo aurreratu bat sortu da, ultrasoinuei esker lortutako datuak prozesatzen dituena eta piezaren geometriak sortzen dituen oihartzunetan oinarritutako akatsak identifikatzen dituena. Bi bankuen helburua da agerian uztea bideragarria dela osagaiak automatikoki ikuskatzea eta eskuzko ikuskapenetatik industrialetarako trantsizioa egitea.