07/05/2026

FEDITen azterketa batek zentro teknologikoek Espainiako ekonomian duten ekarpena nabarmendu du

• Txostenaren arabera, IDEKO bezalako zentro teknologikoetan inbertitutako euro bakoitzeko 11 euro sortzen dira BPGan, eta 5 euro baino gehiago diru-sarrera publikoetan.

Espainiako Zentro Teknologikoen Federazioak (FEDIT) pasa dan astean aurkeztu zuen “Zentro Teknologikoen Balioa eta Eragin Ekonomikoa” izeneko txostena.

Azterlanak agerian uzten du IDEKO bezalako erakundeek ekonomian duten ekarpena: guztira 7.702 milioi euroko eragina BPGan, lanaldi osoko 127.371 enplegu baliokide eta 3.947 milioi euroko diru-sarrera publikoak.

Valentziako Ikerketa Ekonomikoen Institutuak (Ivie) egindako txostenaren arabera, zentro teknologikoetan inbertitutako euro bakoitzeko 11 euro sortzen dira barne produktu gordinean eta 5 euro baino gehiago administrazio publikoen diru-sarreretan.

Ikerketak zentro teknologikoekin lankidetzan aritu diren enpresen esperientzia ere aztertu du. Inkestatutako enpresen %85ek aurreikusitako helburuak bete dituztela adierazi dute; %93,5ek harreman profesionalaren kalitatea azpimarratu dute, eta %73,5ek berriro lankidetzan aritzeko prest egongo liratekeela baieztatu dute.

Gainera, enpresek lankidetza teknologiko horri lotzen diote batez beste salmentetan %2ko hazkundea eta errentagarritasunean 0,8 puntuko igoera.

Txostenak eragin ekonomikoa bi bide nagusiren bidez kuantifikatzen du:

• Zentro teknologikoen jarduera eta inbertsio-gastua: 2024an 765,5 milioi eurokoa izan zen, eta 1.079 milioi euroko eragina izan zuen BPGan, baita 19.289 enplegu sortu ere.

• Lankidetza teknologikoari lotutako salmenten hazkundea: 6.414 milioi eurora iritsi zen, eta guztira 6.623 milioi euroko eragina izan zuen BPGan, baita 108.082 enplegu ere.

Txosten osoa hemen kontsulta daiteke.