IDEKOk neurketa industrialerako teknologia berriak aurkeztu ditu 3DMC 2025ean

• Zentro teknologikoak aurrerapen handia erakutsi du Europako metrologia aurreratuaren foro nagusian, aplikazio potentzialekin aeronautikan eta konpositeen fabrikazioan.

Aste honetan Alemanian ospatu den 3DMC kongresuaren 10. edizioak, metrologia tridimentsionalaren azken berrikuntzak bildu ditu, tartean Adimen Artifiziala. Arlo horretan esperientzia zabala duen IDEKO zentro teknologikoak presentzia nabarmena izan du egitarauan.

IDEKOko Doitasun ingeniaritza ikerketa taldeko ikertzaile den Iñigo Auzmendik aurkeztu du "Accurate Photogrammetry Based on Molded Markers" lana, fotogrametrian aurrerapauso iraultzailea proposatzen duena.

Fotogrametria objektuak argazkien bidez neurtzeko aukera ematen duen teknika da. IDEKOren ikerketak ikuspegi berria eskaintzen du, fabrikazio-prozesuetan zuzenean konpositezko piezetan integratutako gurutze formako markatzaileak erabiliz. Markatzaile horiek erreferentzia-puntu gisa jarduten dute, neurketa oso zehatzak egiteko.

Bisioko taldeak egindako entseguen emaitzek erakutsi dute metodoak potentzial handia duela prozesuak automatizatzeko eta eraginkortasuna hobetzeko, batez ere aeronautikan eta material konpositeen fabrikazioan.

IDEKOk 3DMC 2025ean aurkeztutako lana bere lidergoa berresten du metrologia aurreratuan , funtsezko arloa industria-produkzioaren kalitatea eta lehiakortasuna bermatzeko.

Zentroak neurketa-teknologietan egiten duen ikerketaren bidez, doitasuna, automatizazioa eta digitalizazioa uztartzen dituzten irtenbideak bultzatzen ditu, industria eraginkorrago eta berritzaileago baten alde.

3D Metrology Conference (3DMC)-ren 10. edizioa irailaren 16tik 18ra ospatu zen Alemaniako RWTH Aachen Unibertsitatean, eta metrologia tridimentsionaleko berrikuntzaren epizentro bihurtu zen. Topaketak 120 aditu baino gehiago bildu zituen nazioartean, tartean ikertzaileak, industria liderrak eta akademikoak, teknologia horien azken aurrerapenei buruz eztabaidatzeko.