Hemen aurki ditzakezu IDEKOri buruzko azken berriak
Ekainaren 18tik 20ra Bilbon egingo den nazioarteko MESIC25 kongresuaren 11. edizioaren babesle eta kolaboratzaile den teknologia zentroak, ekitaldiaren bezperan antolatutako bisita gidatu baten bidez, bere instalazioak irekiko ditu.
Partaidetza sei aurkezpen zientifikorekin osatuko da, makina erraminta eta fabrikazio prozesuak optimizatzeko, energía eta aeroespaziala bezalako sektoreetan.
IDEKO zentro teknologikoak bere potentzial zientifikoa erakutsiko du fabrikazio aurreratuan MESIC 2025–eko Fabrikazio Ingeniaritzaren Nazioarteko Elkartearen 11. Kongresuan. Ekitaldia ekainaren 18tik 20ra izango da Bilboko Bizkaia Aretoan, eta IDEKOk, Aeronautikako Fabrikazio Aurreratuaren Zentroarekin (CFAA) batera, babeslea eta partaidea da.
IDEKOk MESIC 2025ean izango duen presentzia sei ikerketa aurkezpenekin osatuko da, eta horien helburua da aeronautika eta energía bezalako sektore estrategikoetan, ekoizpen-prozesuak eta -ekipoak optimizatzea. Era berean, Jokin Muñoa doktoreak, zentroaren zuzendari zientifikoak, kongresuko batzorde zientifikoan parte hartuko du.
Fabrikazio prozesuen arloan, Iker Urresti ikerlariak ikuspegi berria azalduko du konposatuen zulo-urradurako akatsen arriskua murrizteko monitorizazio eta datuen analisiaren bidez. Maria Garcíak berriz, pieza biraketen azken kalitatearen faktore kritikoekin lotutako ikerketa aurkeztuko du. Azkenik, Alexander Peña makinak sortzen dituen bibrazioak ezabatzeko sistema baten proposamena aurkeztuko du, produktibitatea handitzeko asmoz.
Bestalde, fabrikazio digitalaren arloko teknologi berrietan, IDEKOk Dr. Markel Sanzen ikerketa eramango du MESIC-era; ikerketa horrek 5 ardatzeko fresaketarako eredu berri bat aurkeztuko du, horma meheko piezen geometriak kontuan hartuta, eta horrek prozesua optimizatzeko eta akats kritikoak kontrolatzeko aukera eskaintzen du.
Elgoibarko zentro teknologikoak fabrikazio ingeniaritza, metrologia eta kalitatearen esparruan ere aurreikuspen berriak azalduko ditu. Dinamika eta Kontrol ikerketa taldeko ikertzaile den Monica Gil‑Inchaurzak makina bibrazioei diagnostikoetarako lan-marko berritzaile bat aurkeztuko du, pieza torneatuen kalitateari eragina duten bibrazioak identifikatzeko; Inés Prieto, berriz, Doitasun Ingeniaritzako ikertzaile gisa, tamaina handiko piezak neurtzeko aplikagarri den teknologia berri batez arituko da, zeinaren bidez neurtze kostuak murriztu eta zehaztasuna hobetu baitaiteke.
“MESIC 2025ean gure presentzia zientifiko sendo honekin, fabrikazio aurreratuan aplikatutako ikerketaren, teknologia‑berrikuntzaren, ezagutzaren transferentziaren eta industria‑zein akademiako ekosistemarekin egindako lankidetzaren aldeko konpromisoari eusten diogu”, nabarmendu du Jokin Muñoa doktoreak.
.jpg)
