Azken belaunaldiko erresistentzi handiko altzairuen nekearekiko portaera aztertu da (σUTS = 950–1000 MPa). Bereziki, azterketa nekeagatiko mikropitzaduren hasierako etapan zentratu da. Helburu horrekin, neke uniaxialeko saiakuntzak egin dira ziklo kopuru handian. Saiakuntza horietan probetaren deformazioaren historiaren jarraipena egin da aleen interferometria erabiliz. Teknika horri esker probetaren gainazalaren desplazamenduen eremuen bilakaera monitorizatu daiteke eta, beraz, pitzadurak antzemateko tresna gisa erabili daiteke lehen estadioetan. Hautsitako gainazalak behatzeak informazio osagarria ematen du hutsegitearen hasiera lekuaren gainean eta, beraz, korrelazio bat ezar daiteke interferometriaren bitartez egindako behaketak eta neke hasieren benetako lokalizazioak pitzadurak zabaltzean duen bilakaerarekin. Emaitzek erakusten dute aleen interferometria etorkizun handiko teknika dela nekeagatiko hutsegiteak garaiz antzemateko.
