Aeronautikaren sektorerako horma meheak dituzten aluminiozko osagai lerdenak fabrikatzen direnean, ohikoa izaten da piezak mekanizatu ondoren distortsioak agertzea, eta arazo horren arrazoi nagusia da hondar tentsioak agertzen direla aluminiozko materialetan. Artikulu honetan eredu analitiko bat garatzea proposatzen da osagai mekanizatuen bukaerako distortsioak azkar kalkulatu ahal izateko, kontuan hartuta piezen geometria desberdinak. Ereduak mota horretako piezen bukaerako distortsioa iragartzeko duen ahalmena baliozkotu egin da, saiakuntza esperimentaletako laginetan lortutako distortsioen emaitzekin alderatuz.
