Soldatutako altzairuzko eta arinki moteldutako piezetan egindako mekanizatze lanak zorrozki mugatzen dituzte txatterraren bibraziek. Dokumentu honek piezaren bibrazioak aktiboki moteltzeko sistema eramangarri bat aurkezten du. Laneko piezari magnetikoki lotutako eragile elektromagnetiko bat egiturazko erantzuna neurtzeko erabiltzen da eta baita bibrazioaren moteltze aktibo bat egiteko ere. Autodoitzeko algoritmo batek kontrol parametro egokiak aukeratzen ditu. Kontrolatzailearen doikuntza autonomoak garrantzia kritikoa du, izan ere, makinako langileari eragilea laneko pieza ezberdinetan erabiltzea ahalbidetzen dio. Emaitza esperimentalek ziurtatu egiten dute proposatutako estrategiaren sendotasuna eta frogatu produktibitatearen igoera esanguratsua.
