Eragingailu piezoelektrikoak ultradoitasunezko aplikazioetan erabiltzearen abantailak efektu ez-linealek eraginda egon ohi dira sarritan, bereziki histeresiak eraginda, zeinak posizionamenduan eragingailuaren ibiltartearen %15era arteko zalantzak sortu baititzake. Ereduetan oinarritutako konpentsazio estrategiak, sarritan, mugapen hori gainditzeko eta doitasun dinamiko hobea lortzeko agintzen dira. Halere, horrek identifikatzeko eta inplementatzeko zailtasun handiago dakar, bereziki histeresia asimetrikoa denean, material piezozeramiko gogorretan izan ohi den moduan. Hori da, beraz, ordaindu beharreko prezioa. Artikulu honetan konpentsaziorako estrategia berri bat proposatzen da, ideia hauetan oinarrituta: (i) histeresia beste efektu dinamiko batzuetatik aparte dagoen zerbait da eta (ii) histeresi asimetrikoa tratatzeko eredu sinplifikatu berri bat formulatuko da, operadore lineal bat ohiko histeresi ereduetan aplikatuta. Konpentsazio estrategiaren aurrekari teorikoak garatu ondoren, esperimentalki frogatzen da histeresia konpentsatzeko metodo berriarekin doitasuna hobetu egiten dela.
