Dokumentu honek erakusten du laserrarekin fresatutako geometrien artezketaren inguruan egindako lana, tungsteno karburuzko materialarekin fabrikatutako ebakitze erremintetan egindakoa, alegia. Ezaugarri geometriko baten mekanizatuaren ostean akatsak detektatzeko eta zuzentzeko metodologia aurkeztu ostean, metodologia aplikatzeko prozedura esperimentala azaltzen da. Azkenik, lortutako emaitzak aurkezten eta eztabaidatzen dira. Emaitzek erakusten dute erroreak detektatzeko metodologia gauza dela akastun eremuak egokiro identifikatzeko eta laser bidezko fresaketa-prozesu bat definitzeko, geometria bat lortzeko tolerantzia teorikoarekin alderatuta definitutako tolerantzien barruan.
