Gaur egun, gero eta industria gehiago dira saiakuntza ez-suntsitzaileko teknika berrietan interesatuta daudenak, partikula magnetiko eta likido sarkorren bitartez egin ohi diren ikuskapenak ordeztu ahal izateko. Materiale metalikoak ikuskatzeko erabiltzen den Termografia Induktiboak (TI) geometría konplexuak analizatzea ahalbidetzen du, gainazaleko arrakalak edo pitzadurak antzemateko gaitasun bikainarekin. Elementu finituen simulazioko tresnek TI bidezko ikuskapenak egiteko duten ahalmena oso baliagarria da bobinen diseinurako eta korronte induzituen banaketa eta temperatura gradienteak ezagutzeko. Horrela, FLUX 3Dk geometria konplexua duten piezen gainazaleko pitzadurak detektatzeko posibilitatea aztertzen laguntzen du, laborategiko saiakuntza kopurua murriztuta.