EMAT transduktoreak ikuskapen lehorretan eta kontakturik gabekoetan erabiltzeko garatu ziren, transduktore piezoelektrikoen ordez erabiltzeko. Transduktore piezoelektrikoetan, soinua transduktorean sortzen da eta akoplatzaile baten bitartez iristen da piezara; EMAT batek, berriz, uhin ultrasonikoak induzitzen ditu ikuskatu beharreko materialaren barruan elkarri eragiten dioten eremu magnetiko biren bitartez. Lan honek ohiko EMAT transduktoreek eta EMAT Phased-Array transduktoreek sortarazten duten izpi ultrasonikoen sorta aztertzen du. Ohiko transduktoreei dagokienez, bobinaren geometriak duen eragina aztertu da. EMAT Phased-Array transduktoreei dagokienez, berriz, haien konfigurazioa aztertu da eta ohiko transduktoreen aldean eskaintzen dituzten hobekuntzak.