Laburpena: Hortz neurri diferentziala duten fresak prozesuaren errendimendua hobetzeko erabiltzen dira, baina merkatuan dauden soluzioekin ez da beti hori lortzen. Zein fresatze prozesutarako diren hautatuak, errendimendu hobea eskaini dezakete, eta baita hortz neurri berdina duten fresak baino okerragoa ere. Errendimenduaren hobekuntza bermatu daiteke kontuan hartuz makinaren, fresaren eta piezaren portaera dinamikoa. Lanak erakusten digu lortu daitezkeen goiko eta beheko mugak zein diren, balizko hortz-neurri aldakordun fresa doigarri baten egonkortze diagrama deiturikoen bidez.