Artikulu honetan diamantatze-ereduaren zenbaki-eredua, testuinguru, muga eta helburuak deskribatuko dira, eta baita proba eta neurketetan erabili den metodologia ere.
Artezketa prozesuen efizientzia maila zehazten duten parametroen artean, diamantatzea kritikoenetakoa da. Artikulu honetan jasotzen den azterketak korindoi erako harri konbentzionalak diamantatzeko eredu zinematiko baten proposamena analizatu eta balioztatzen du. Hasierako analisi honetan, ereduaren zehaztasuna ebaluatuko da punta bakarreko diamantearekin operazioa egin ondorengo urraketa-gainazala aurreikusita. Hain zuzen, simulazioen eta proben emaitzen arteko desbideratzeak behatuko dira.
Azterketaren emaitzek etorkizuneko ikerketa lanak jarraitu beharreko bidea erakusteaz gain, eredua optimizatzeko informazio erabilgarria ematen dute eta, horri esker, azterketa hedatu ahal izango da diamantatzeko tresna desberdinetara.
Harri zehatz batek diamantatze-parametro batzuen arabera
sortzen duen topografia doitasunez aurreikusteko gai izateak informazio asko
emango dio erabiltzaileari. Horrek ahalbidetuko du, diamantatze-prozesuak
sortutako eraginak ikusita, artezketa operazioaren portaera baloratzea, eta horrela,
lagunduko du harriaren edo diamantagailuaren espezifikazio egokienak
aukeratzen. Modu horretara nabarmen jaitsiko dira fabrikaziorako
doitze-denborak eta baita piezen balioztatzean egin beharreko proba kopurua
ere.
Artikulura esteka
