Berrikuntza Teknologikoaren Gestio Integralerako garapen eredu propioa.
Pieza lerdenen mekanizazio aurreratua
Euskal Herriko industri inguruneko enpresa txiki eta ertain mekanizatzaileek ekoizpen ahalmen eta bolumen handiagoa edukitzeko premia daukate, gero eta lehiakorragoa den merkatu batean lehiakorragoak izan ahal izateko, eta premia horri erantzuteko jaio da MAPE proiektua. Helburu nagusi horrekin, funtsezkoa da enpresa txiki eta ertain mekanizatzileak teknologiaren hornitzaileekin aliatzea, hornitzaileek enpresa horien premietara bideratutako teknologiak, sistemak eta zerbitzuak garatu ahal ditzaten.
Pieza lerdenen mekanizazioa da enpresa txiki eta ertain mekanizatzaileen ekoizpenaren zatirik handiena hartzen duen jarduera. Kalkulatzen da bere ekoizpenaren %65 inguru pieza lerdenaren fabrikaziora (edo piezaren zati batzuen fabrikaziora) bideratuta dagoela. Mota honetako piezen fabrikazio arazotsua da piezaren malgutasunak berak dakartzan ez-egonkortasunak sortzen direlako. Proiektu honek planteatzen du funtzio askoko sistema ziberfisioko bat garatzea, mota honetako ez-egonkortasun arazoei erantzuna emateko.
Pieza lerdenen mekanizazioan ez-egonkortasunak ezabatzeko soluzioak ez ezik, MAPE proiektuak aurreikusten du lainoko konektibitaterako tresnen garapena fabrikazio adimenduaren eta 4.0 fabrikazioaren kontzepturanzko bidean atzean geratu diren enpresa txiki eta ertainentzat.
 |
