Webgune honek berezko eta hirugarrenen cookieak erabiltzen ditu nabigazio esperientzia hobetzeko. Nabigatzen jarraitzen baduzu, cookie horien erabilera onartzen duzu. Informazio gehiago jaso dezakezu Cookie Politika orrian.

Aurrera

ESKATU INFORMAZIOA

 
DOKTORE TESIAK

Gure artikulu zientifiko, tesiak, metodoak, memoriak eta zabalkunde teknologikoa.

EGILEAK:

Errodamendu pneumatiko aktiboen diseinu optimizatua ultradoitasunez posizionatzeko orgetarako

Errodamendu pneumatiko aktiboen diseinu optimizatua ultradoitasunez posizionatzeko orgetarako

Tesi honetan errodamendu axial aerostatiko aktiboen diseinua aztertzen da, errodamenduen errendimendua simulatu, analizatu eta optimizatzeko diseinu tresnak garatzeko, posizio nanometrikoaren kontrolerako, jarraipen azkarrerako eta nahasmenduen bazterketarako. Tresna horien aurrekari historikoak aurkezten dira eta beraien doitasuna emaitza esperimentalekin baliozkotzen da.

Errodamendu aerostatiko aktiboek errodamenduaren funtzioa eragingailuaren funtziora zabaltzen dute, kontakturik gabe, errodamenduaren gainazalaren forma aldatzen duten eragingailu piezoelektrikoen bitartez, presioaren banaketari eta errondamenduaren indarrari eraginda. Errodamendu plakaren malgutasun estrukturala, presio banaketa, piezoelektrizitatea eta kontrola elkarrekin gogor akoplatuta egoteko ezinbestekoa da efektu horiek guztiak aintzat hartzea errodamendu pneumatiko aktiboen errendimendua aztertzeko unean. Horrenbestez, multifisikako elementu finituen eredu bat garatu da, formulazio oso akoplatuarekin, errodamendu pneumatiko aktiboen ezaugarri estatiko eta dinamikoak simulatzeko.

Ergingailu piezoelektrikoek oso ezaugarri onak dituzte posizioaren kontrolerako, doitasun eta banda zabalera handia lortuta. Halere, bi efektu hauek errendimendua mugatu dezakete: histeresi ez-simetrikoa tentsioaren eta elongazioaren arteko erlazioan, eta anplifikazioa zarata elektrikoaren bibrazioan tentsio seinalean. Eredu berri bat garatu eta erabili da histeresi ez-simetrikorako, histeresiaren denbora errealeko konpentsaziorako, zeinak posizioaren jarraipenean doitasuna nabarmen hobetzen dela erakusten duen  frekuentzia handietan. Frekuentzia handietan zarata elektrikoak nahi ez duen efektua dauka eta efektu hori murriztu egiten da iragazki analogiko bat inplementatuz (hardwarez egina), eragingailu piezoelektrikoari aplikatutako tentsiorako.

Goian aipatutako errodamendu pneumatiko aktiboen eragingailuaren ezaugarriak optimizatzeko tresnak ez dira nahikoak sistemaren benetako errendimendua analizatzeko. Doitasun nanometrikoa bilatzen denean, sistemaren errendimendua mugatu dezaketen nahasmendu bat baino gehiago dago, esaterako, zoruaren bibrazioa eta sentsore eta eragingailuetako zarata elektrikoa. Nahasmendu horien aniztasuna eta izaera direla-eta (hau da, begizta itxiko kontrol sistemaren hainbat puntutan eragiten duten potentzi espektru batzuk) beharrezkoak dira maiztasun erantzunaren funtzioak baino tresna aurreratuagoak, sistemaren analisi zuzenerako, bai diseinu etapan bai prototipoaren ebaluazioan. Ziurgabetasunen analisi dinamikorako metodoa arrakastaz inplementatu da, errodamendu pneumatiko aktiboko prototipoen errendimendua ebaluatzeko. Errodamendu pneumatiko aktiboak ez dira bukaerako produktu industrialak, baizik eta makina konplexuagoetan txertatu behar diren produktuak. Errodamendu aktiboak dituen orga aerostatiko aktibo bat garatzeko prozesuan diseinu aldetik dauden erronkak aztertu dira, askatasun gradu guztietan doitasun submikrometrikoa lortzeko. Lehen prototipo bat eraiki da eta frogatu da errodamendu pneumatiko aktiboak dituen askatasun gradu bat baino gehiagoko kontrol bat bideragarri dela.

INFORMAZIO GEHIAGORENTZAT JAR ZAITEZ GUREKIN HARREMANETAN

(34)943 748 000

DOKTORE TESI ERLAZIONATUAK

Ez dago doktore tesi erlazionaturik