Makina-errremintaren egungo merkatuan gero eta indartsuago sartzen ari dira ataza askoko makinak, pieza mugitu beharrik gabe fabrikazioko prozesu bat baino gehiago egiten dituzten makinak. Prozesu motari dagokionez duten ahalmena eta malgutasuna direla eta, gaur egun oso baloratuta dago potentzia handiko laser sistemak gehi eskanerra erabiltzea. Eskanerrak optika mugikorretan oinarritutako sistemak dira, eta 7.000 mm/s baino gehiagoko abiadura lineala ematen diete laser izpiei. Normalean, sistema horiek pieza metalikoak markatzeko, testurizatzeko edo leuntzeko erabiltzen dira, prozesu horietan materialaren fusioa eta sublimazioa nagusitzen baitira. Oraindik ez dago erbakita bideragarriak ote diren gainazalak laser bidez tratatzeko prozesuetarako.