Berrikuntza Teknologikoaren Gestio Integralerako garapen eredu propioa.
Fabrikaziorako sistema adimendunak, konplexutasun handiko pieza metalikoentzat
Fabrikazio teknologia berritzaileak garatzen jarraitzeko helburuarekin, IK4-IDEKO zentro teknologikoak Espainiako Gobernuaren “Retos de Colaboración 2015” programaren baitan dagoen ikerketa proiektu batean parte hartuko du sistema aurreratu bat diseinatzeko helburuarekin, balio erantsi handiko pieza metalikoak manufakturatzeko.
Proiektuak, 1.167.008 euroko finantzazioa jaso duenak, Ekonomia eta Lehiakortasun Ministerioaren (MINECO) etaEskualde Garapeneko Europako Funtsaren (EGEF) laguntza izango du “Retos Colaboración 2015” programaren bitartez.
Makina-erreminta arloko Soraluce euskal ekoizleak zuzentzen duen LASMEC egitasmoak, geometria konplexuak dituzten pieza metalikoentzat egokiena den produkzio mekanismoa aukeratzea ahalbidetuko duen sistema adimenduna garatzea du helburu, ondorengoak mekanismoak aukeratuz: laser bidezko fabrikazio zuzena (FDL), mekanizazio teknika edo bien arteko konbinazioa.
Garatuko den ekipoa osatuko dute, ekarpen- buru batek, aberastutako CAD/CAM simulazio-software batek eta prototipo bateko kontrol dimentsional batek.
Beraz, LASMEC proiektuarekin pieza metalikoen manufaktura prozesua optimizatu nahi da, makina berean teknologia aurreratuak konbinatuta.
IK4-IDEKOren lana, Soralucerekin lankidetzan, osagai metalikoen fabrikazio hibridorako sistema bat diseinatzea eta sortzea izango da, mekanizazio eta ekarpen prozesuak optimoki konbinatuta; bai eta ekarpen-buru bat diseinatzea ere AIMENekin lankidetzan. Azkenik, sistemak egoki funtzionatzen duela balidatuko da CETECek definitutako osagai bat ekoiztuta.
 |
 |
Laserrezko plakatze bidez osagaiak fabrikatu eta konpontzeko sistema aurreratuak
