Webgune honek berezko eta hirugarrenen cookieak erabiltzen ditu nabigazio esperientzia hobetzeko. Nabigatzen jarraitzen baduzu, cookie horien erabilera onartzen duzu. Informazio gehiago jaso dezakezu Cookie Politika orrian.

Aurrera

ESKATU INFORMAZIOA

 
DOKTORE TESIAK

Gure artikulu zientifiko, tesiak, metodoak, memoriak eta zabalkunde teknologikoa.

EGILEAK:

Fresaketa prozesuan egonkortasuna iragartzeko eredu orokor baten garapena. Aplikazioa fresaketa periferikoari, planeatze konbentzionalari eta fresagailu unibertsalen dinamikaren egonkortasunaren karakterizazioari.

Fresaketa prozesuan egonkortasuna iragartzeko eredu orokor baten garapena. Aplikazioa fresaketa periferikoari, planeatze konbentzionalari eta fresagailu unibertsalen dinamikaren egonkortasunaren karakterizazioari.

Lan honetan, besteak beste tamaina eta aurrerapenaren norabidea, fresaren geometria, mekanizazioaren kokapena eta indarraren maiztasun anitzeko izaera aintzat hartu nahi dituen egonkortasun eredu orokortu bat aurkezten da. Fresa zilindriko helikoidala duen fresaketa periferikoaren egonkortasunaren ikerketari eta planeatze konbentzionalari aplikatu zaie eredua. Proposatu diren algoritmoek ezegonkortasun tradizionala (Hopf) eta aldi bikoitzekoa (flip) aurreikusteko gai dira.

Fresa zilindriko helikoidala duen fresaketa periferikoari ezarrita, helizeak fresaketa-prozesuaren egonkortasunean eragiten duela egiaztatu da, aldi bikoitzeko eremuen aldakuntzaren bidez. Helizearen eraginaren ondorioz, fresa helikoidala iragaitearen multiploaren baliokideak diren ebaketa-sakonerei dagozkien lerro horizontalek banatutako irla itxiak izaten dira aldi bikoitzeko ezegonkortasun-eremuak. Helizeak ez dio chatter tradizionalari (Hopf) eragiten. Esperimentazioaren bidez baliozkotu da eremu horiek egon badirela.

Eredua planeatze konbentzionalari ere ezarri zaio, neurriak eta aurrerapenaren norabideak egonkortasunean duten ondorioa ikertzeko. Horretarako, ebaketak aurrerakuntzarekin duen indar espezifikoaren aldakuntzak aintzat hartzea ahalbidetzen duen indar eredu esponentziala erabili da. Taylor/McLaurin serieak hedatuz lerrokatu da eredua, aurrerakuntzaren mendeko egonkortasun diagramak ateratzea ahalbidetuz. Denboraren menderakuntzan egindako simulazioekin alderatu dira teknika horrekin ateratako iragarpenak, eta neurriko korrelazioa dutela erakutsi dute. Norabideko koefizienteak oso baxuak direnean eta norabideko koefiziente horien harmonikoak nagusi direnean bakarrik murrizten da iragarpen horien kalitatea.

Azkenik, fresagailu unibertsalen egonkortasun dinamikoa karakterizatzeko metodo berri bat proposatu da. Proposamena lau probaren konbinazioan oinarritzen da: lan eremu guztiko zurruntasun dinamikoaren neurketa, proba normalizatuen egonkortasunaren simulazioa eta korrelazio esperimentala, ebaketa proben eta analisi modalaren bidez. Metodologiak aurreko lan batzuetan dauka jatorria, baina egonkortasunaren simulazioa karakterizazioaren erdigunean kokatu izana da berritasuna.

INFORMAZIO GEHIAGORENTZAT JAR ZAITEZ GUREKIN HARREMANETAN

(34)943 748 000

DOKTORE TESI ERLAZIONATUAK

Ez dago doktore tesi erlazionaturik