Software Adimendunaren ikerketa lerroaren helburua da informazio eta
komunikazioaren teknologien sektoreko azken aurrerapenak (IKTak) industri
fabrikazio eta produkziorako teknologien arloan txertatzea.
IK4-IDEKOk automatizazio soluzioak eta software aurreratuko soluzioak
garatzen ditu adimen artifiziala erabiliz, makina independenteen eta produkzio
lerroetako produkzio prozesuen eraginkortasuna areagotzeko.
Ekitaldi honetako emaitzarik garrantzitsuenen artean, azpimarratzekoa da
makinak eraginkortasunez erabiltzeko garatu dugun softwarea ;makinaren
kontsumo zehatza kalkulatzeko gai da, makinaren osagaiak banaka neurtzen
baititu, eta sei osagai desberdinen gastu energetikoa ere neurtu eta monitorizatu
dezake, datu horiek makinaren egoera operatiboaren eta piezaren prozesuaren
gaineko informazioarekin sinkronizatuta. Datuen ustiapenerako softwareak
txosten pertsonalizatuak sortzen uzten dio bezeroari, eta horrela errazagoa
da ISO 9001, ISO 14001 arauak betetzea, makinen eraikitzaileentzat, eta ISO
50001 araua, erabiltzaileentzat, bai eta ISO14955 araudi berria.
Pieza landugabeak lerrokatzeko 3D Ikuspeneko softwarearen kasua
da bigarren
adibidea. Softwareak CAM programa deskodetzen du eta makinan jarri aurretik
piezari finkatzen zaizkion erreferentzia optiko espezifikoen 3D koordenatu
optimoak zehazten ditu. Gainera, software modulu bat garatu da, zeinak hari
gabeko 3D ikuspen sistema baten bitartez erreferentzia optikoen kontakturik
gabe neurtzea ahalbidetzen duen, makinan lerrokatzen ari den bitartean.
Horrela, automatikoki kalkulatuko ditugu biraketan eta posizionamenduan
(pieza-zero) egin beharreko zuzenketak, landugabeko pieza zehatz eta
automatikoki jartzeko.
2.3.3
SOFTWARE ADIMENDUNASoftware Adimenduna industria
lehiakorrago baterako
02.3
Ikerketa
lerroak
IKERKETA ETA GARAPEN
TEKNOLOGIKOAREN DEPARTAMENTUA
MEZU INSTITUZIONALA 01 AURKIBIDEA 02.1 ARGITALPENAK ETA KONGRESUAKI
02.2 NAZIOARTEKO JARDUERAI
02.3 IKERKETA LERROAK IKERKETA ETA GARAPEN TEKNOLOGIKOAREN DEPARTAMENTUA 02