06.2
Bost urteko krisi ekonomiko latza gainditzen hasi
berriak gara ozta-ozta, eta enpresek suspertze-
fase neketsuari egin behar diote aurre. Egoera
konplexua da; etengabeko aldaketa du ezaugarri,
eta gero eta lehiakorrago izan beharraren
erronkari egin behar zaio aurre.
Ezegonkortasun-egoera honetan, are garrantzi handiagoa hartzen du
IK4 Aliantza Teknologikoaren lanak. Gure gain hartu behar dugu
lidergoa enpresentzat aukerak bilatzeko lanetan, eta aukera horiek
enpresen beharretara egokitzeko eta beren apustu estrategikoaren
ardatz bihurtzeko gai den kide teknologikoa izan behar dugu.
Horren berme dugu azken urteotako ibilbidea. Oso testuinguru eko-
nomiko txarrean, gure posizionamendua sendotu dugu, eta, ikerketa
aplikatuan, Europako erreferentzia nagusietakoa gara. Horren on-
dorioz, Europako lehenak gara enpresa pribatuekiko kontratuetatik
datozen diru-sarreren ehunekoari dagokionez (% 60 inguru).
Bestalde, urteko diru-sarrerei 100 milioi euroren gainetik eustea
ere lortu dugu; hala, Europako 10 korporazio teknologiko nagusien
artean finkatu gara.
Datu positibo horiek ikusita, ordea, ez dugu bertan gozo gelditu
behar; aitzitik, jarduera-esparru berriak zabaltzeko aukerak hau-
temateko eta haietaz baliatzeko ahaleginarekin dugun konpromisoa
indartu behar dugu. Ildo horretan, indartu egin dugu Horizon 2020
programaren aldeko apustu garbia. Oso garrantzitsua dugu I+G+Bra
Europatik datozkigun diru-sarrerak % 50 handitzeko helburua. Hala,
130 milioi euro jasoko genituzke guztira bide horretatik Horizon 2020
programak irauten dituen zazpi urteetan.
Asmo handiko helburu hori VII. Esparru Programan parte hartzean
lortu ditugun emaitza bikainetan oinarritzen da, baita Europa mailako
kudeaketa- eta iritzi-organoetan, gobernantza-maila gorenetan, gero
eta presentzia handiagoa izatean ere.
IK4k Europako egoera berrian duen posizionamendu horrek aukera
bikaina dakarkie euskal enpresei, beren erronkak Europako ikerketa-
programetara helarazteko bide ezin hobea baitute gugan. Izan ere,
ez soilik EBk baliabide ugari bideratuko ditu (80.000 milioi euro);
gainera, asmoa dago merkatutik hurbilena dauden eta enpresen egu-
neroko jardunarekin lotuena dauden proiektuen alde egiteko.
Gero eta eraginkorragoak izateko ahalegindu beharra dago, beraz.
Hala erakusten dute Europatik datozen aldaketa-haizeek, baita etxe-
koek ere. Eusko Jaurlaritzak nabarmen jo du norabide horretan, be-
rrikuntzaren eta ezagutzaren euskal ekosistemaren bizkar-hezurra
osatzen duten 200 erakundeei dagokienez.
Ezinbesteko erronka dugu hori, Europako espezializazio adimenduna-
ren (RIS3) mapan tokia izan nahi badugu. Aukera bikaina ere badugu,
ordea, euskal lehiakortasun-sistemaren funtsezko parte garenontzat,
gure lorpenek arrakasta ekarriko baitiete gure enpresei merkatu glo-
bal ezin lehiakorragoetan.
Zuzendariaren mezua
IK4 RESEARCH ALLIANCE
José Miguel Erdozain
IK4ko zuzendari nagusia
BERRIKUNTZA ETA USTIAPEN TEKNOLOGIKOKO DEPARTAMENTUA 03 GOBERNU ORGANOAK 05 ADMINISTRAZIOA ETA ANTOLAKETAREN GARAPEN SAILA 04 MEZU INSTITUZIONALA 01 IKERKETA ETA GARAPEN TEKNOLOGIKOAREN DEPARTAMENTUA 02 AURKIBIDEA 06.1 LEHENDAKARIAREN MEZUAI
06.2 ZUZENDARIAREN MEZUA
I
06.3 2014KO DATUAK 06 IK4 RESEARCH ALLIANCE