06.1
Jesús María Iriondo
IK4ko lehendakaria
Aldaketa-garaiak bizi ditugu. Aldaketa sakon eta
zorabiagarriak. Azken urteetako krisi ekonomiko
gogorrak ondorio asko izan ditu; haietako batzuk
dramatikoak, azken hamarkadetako statu quoa
goitik behera aldatu dutenak. Orain, susperraldi
arin bat agertzen hasita, iritsi da garaia bizitako
une zailetan ikasitakoa praktikan jartzeko eta gure
ekonomia-sareari ondorioaketa jarduerapositiboko
ereduak helarazteko. Aliantza Teknologiko bat
eta I+G+b-aren alorrean erreferentziazko eragile
garenez, gure egitekoa dugu hori.
Iritzi horretakoa da Eusko Jaurlaritza ere, uste baitu iritsi dela
garaia Zientzia, Teknologia eta Berrikuntzaren Euskal Sistemari
beste bultzada bat emateko eta haren eraginkortasuna handitzeko;
eta hala jaso du ZTBP plan berrian, non asmo handiko jarduera-
ildo zorrotz bat diseinatzen baita zientzia eta teknologiako
euskal sistemako eragileentzat. Jarduera-ildo horren helburuetan
jarri behar dugu begirada eta ahalegina, eta haiek izan behar
ditugu iparrorratz, gure jarduera-plana egoki bideratzeko, iparra
kontzeptu nagusi batzuetan jarrita, hala nola lehiakortasunean eta
eraginkortasunean.
Lehendakariaren mezua
IK4 RESEARCH ALLIANCE
Plan hori arduraz eta ilusioz hartzen dugu, IK4rentzat eta haren
zentro guztientzat aukera ona dela iruditzen zaigulako. Izan ere,
ikerketaren eta espezializazioaren bikaintasunaren aldeko gure
apustua, tradizioz gure estrategiaren bereizgarri dena eta DNAn
txertatua duguna, lagungarria da ikerketen emaitzak modu
eraginkorragoan eta efizienteagoan merkaturatzeko.
Geure buruari asko eskatzea eta etengabe hobetzea hartu ditugu
jarduera-ezaugarritzat Aliantza osatu genuenetik. Horregatik,
ongietorria egiten diogu ZTBP berriari, eta pozik hartzen dugu
Eusko Jaurlaritzatik helarazi zaigun erronka, aukera ematen baitigu
hobeak eta eraginkorragoak izateko dugun ahalmena gauzatzeko.
Ez gara geure buruari loreak botatzen ari. Azken finean, IK4
eraginkorragoa bada, euskal enpresa gehiago baliatuko dira gure
ahalmenaz eta ezagutzez, gure proiektuek eragin handiagoa izango
dute gure bezeroen lehiakortasunean, eta, azkenik, erabakigarriagoa
izango da gizartearen aurrerapenari eta ongizateari egiten diogun
ekarpena.
Gure izaeraren bereizgarria izan dugu hori, administrazio publikoek
bultzatutako jarduera-esparruan islatzen denaz harago; hala aitortzen
dute gure bezeroek, eta IK4ren oinarrizko jarduera-eredua izaten
jarraitu behar du horrek. Zientzia, teknologia eta berrikuntzaren
euskal sarea osatzen dugunok ongi egingo dugu gure lana, baldin
eta guztiok (zentro teknologikoak, enpresak, administrazioa,
unibertsitateak, etab.) hari berean jarduteko gai bagara, bai proiektu
estrategiko eta lehentasunezkoak identifikatzeko, bai proiektu horiei
eraginkortasunez eta arrakastaz ekiteko.
Horregatik guztiagatik, erronka handi baten eta aukera handi baten
aurrean gaude. Erabat seguru nago, beste behien ere, emango
dugula behar den maila.
06.1 LEHENDAKARIAREN MEZUA
I
06.2 ZUZENDARIAREN MEZUAI
06.3 2014KO DATUAK BERRIKUNTZA ETA USTIAPEN TEKNOLOGIKOKO DEPARTAMENTUA 03 GOBERNU ORGANOAK 05 ADMINISTRAZIOA ETA ANTOLAKETAREN GARAPEN SAILA 04 MEZU INSTITUZIONALA 01 IKERKETA ETA GARAPEN TEKNOLOGIKOAREN DEPARTAMENTUA 02 AURKIBIDEA 06 IK4 RESEARCH ALLIANCE