HIPPOCAMP

Moteltze gaitasun handia duen zurruntasun handiko material berria

DINAMIKA ETA KONTROLA

Europako industriaren lehiakortasunerako estrategikoak diren sektoreetan, esaterako aeroespazialean, automobilgintzan eta makina-erremintarenean, material aurreratuen erabilera mugatuta dago ekonomikoki efizienteak den eta ingurumenean arrastorik uzten ez duen prozesurik ez dagoelako nanoosagai eskalagarriak fabrikatzeko. Testuinguru honetan, Europar Batasunak Hippocamp proiektua bultzatu du, nanoosagaien ekoizpen industrialerako prozesu berritzailea garatzeko helburuarekin. Nanoosagai horiek bibrazioak moteldu lituzkete eta sektore horietan erabilitako pieza estrukturalak indartu eta beraien propietate funtzionalak hobetuko lituzkete.

ORRIRA JOAN

ERRONKA

Elgoibarko zentroak bibrazioen kontrolari buruzko datuak ematen ditu, eta chatterraren arazoak konpontzen, frekuentzia naturalen kalkuluan, mekanizazio egonkorrean, informazio sentsorialaren prozesamenduan eta osagaiek material nanokonposatua gehitu ondoren duten portaera dinamikoaren analisian dihardu.
Gainera, emaitzen ustiapenekin eta hedapenarekin lotura duten lan sorta ere gidatzen du.

EMAITZA

Ekimena, bereziki, automobilgintzaren eta makina-erreminten sektoreetan izan ohi diren bibrazioak murriztera bideratuta dago. Baina eremu aeroespazialean ere bada aplikagarria, izan ere, hegazkinetako turbina alabeetan tentsio dinamikoen ondorioz gertatzen diren matxurak gutxitzeko ere balio dezake.
Proiektuak bilatzen dun material hauen erabilera sustatzea kostu igoera esanguratsurik gabe, eta planteatzen du lehengaien erabilera murriztea eta %20 energia gutxiago kontsumitzea prozesamenduan, fabrikazioan eta desegite fasean.
Horrela, IK4-IDEKOk hauen analisi dinamikoa egingo du: Mircona enpresa suediarrak garatutako ebaketa erreminta bat; Lantier etxe gipuzkoarraren doktore lamina bat; Soraluce makina-erreminten euskal fabrikatzailearen fresatzeko kaina bat; eta Diad Group enpresa italiarraren turbina alabe bat.