Esta web usa cookies para almacenar información en su ordenador. Usar la página web supone que acepta los términos de nuestra Política de Privacidad. Aurrera

ESKATU INFORMAZIOA

 
DOKTORE TESIAK

Gure artikulu zientifiko, tesiak, metodoak, memoriak eta zabalkunde teknologikoa.

EGILEAK:

Development and Improvement of Optical Tracking Methods towards Registering the Deformations of 3D Non-Rigid Bodies in Real Time for Augmented Reality Applications

Errealitate Areagotua (EA) mundu errealean objektu birtualak gehitzea helburua duen teknologia da, erabiltzaileari objektuak (birtualak eta errealak) erakutsiz mundu bakar bat balitz bezala. Horretarako, ezinbestekoa da objektu errealak eta birtualak zuzen lerrokatzea, EAren eraginkortasuna handiagotzen duena. Arazo honen konponbidea tracking izenez ezagutzen da. Objektu baten tracking-a kameraren posizioa eta orientazioa edozein unetan zehaztean datza. Sentsore optikoak dira gehien erabiltzen direnak lerrokatze-arazoa konpontzeko; batez ere, bere inplementazio-kostu baxuagatik. Hala ere, ez da beti posible aldiberean irtenbide eraginkorra, zehatza eta konputazio-kostu baxukoa garatzea.

Ceit-IK4 eta Tecnun-eko Mekanika Aplikatuaren departamentuan garatutako tesi honek tracking optikoko teknika nagusien hobekuntza eta garapena jorratzen ditu, objektuen deformazioen hautematera bideratutakoak, nagusiki. Lehenengo eta behin, gainazal lau zurrunen eta deformagarrien tracking-a kudeatu da kamera monokularren bidez, eta gero objektuen deformazioak estimatu dira gailu konplexuago baten bitartez, RGB-D kamera batekin.

Arazo bat dute markagailuetan oinarritutako gainazal zurruneko tracking-etako sistemek: ezin dute oklusiorik jasan. Horregatik, oklusioen kontra duen markagailu pertsonalizatua eskaintzen du tesi honek; halaber, deformazioak kontrolatzeko, hala kameraren posizioa nola gainazalaren deformazioa aldi berean kalkulatzen duen irtenbidea proposatzen du deformazioak kontrolatzeko. Deformazio-hautematearekin jarraituz, tracking eraginkorra ere garatu da objektu deformagarri baten 3D egitura berreraikitzeko bi formulazio fisiko desberdinen bidez. Batak portaera fisiko zuzena eta konputazio-kostu baxua eskaintzen ditu; bestea, ordea, zehaztasun maila handiagoetara heltzen da prozesatze handiagoren truke.

Gainera, faktore komuna dute deskribatutako irtenbide guztiek: denbora errealean burutzen dira, ER aplikazio bateko ikus-erantzuna arina izateko ezaugarri gakoa delako.

INFORMAZIO GEHIAGORENTZAT JAR ZAITEZ GUREKIN HARREMANETAN

(34)943 748 000