Neurri handiko pieza landugabeen mekanizazioak denbora asko eskatzen du aurretik makinan lerrokatzeko. Lerrokatzeko prozesuak bi urrats behar ditu: lehena, landugabeko piezaren geometria ezaugarritzea eta lerrokatze erreferentziak markatzea; eta, bigarrena, makinan lerrokatzea. Prozesu horrek pertsona trebatuak behar ditu eta pertsonetan eta makina erabilgarrietan duen kostu handiaz gain arriskua dago mekanizatu beharreko gainazal guztietan gaineratzen den materiala egoki banatuta ez egoteko eta azkenean pieza baztertua izateko. Lan honek makina-erremintan integratutako 3D ikuspenaren hurbilpean aurkezten du, teknologia fotogrametrikoan oinarrituta, zeinarekin lerrokatzeko prozesuen automatizazio maila eta fidagarritasuna handitu daitekeen, landugabeko pieza baten lerrokatze optimoa egiaztatu eta kalkulatu ahal izateko.