Egia esan, kontrol aktiboko gailuak dira, ustez, mekanizazio eragiketa intentsioetan chatterra ezabatzeko metodorik egokienetako bat. Orokorrean, egitura nagusiaren gainean erreakzio indar bat sortzea da gailu horien oinarrian dagoena. Indar hori atzeraelikaduraren kontrolerako lege batek kontrolatuta dago, eta denbora errealean neurtzen den bibrazioaren menpe dago. Kontrol aktiboko hainbat estrategia proposatu dira orain arte egin diren azterketetan, eta, makinek eragingailu horietarako eskaintzen duten lekua mugatua denez, kontrol aktiboko sistema optimizatu egin behar da, baita kontrol legea ere. Lan honetan, gehien erabili diren estrategiak konparatzen dira eredu mekatroniko frogatu baten bitartez eta egonkortasuneko lobuluen gune bakoitzerako lege optimoa bilatzen da. Bukatzeko, proba esperimentalak egiten dira eredu mekatronikoaren simulazioetan lortutako emaitzak egiaztatzeko.