Gero eta ardura handiagoa dago ingurumenaz eta iraunkortasunaz, eta ardura gero eta handiago hori bultzatzen ari da mekanizazio eragiketetan ebaketa fluidoak gutxiago erabiltzera edo baita horien erabilera erabat ezabatzera ere. Artezketa ez dago helburu horretatik salbuetsita, baina zailtasun handiagoak agertzen dira materiala harrotzeko mekanismoen izaeragatik. Lan honetan bi ikuspegi aurkezten dira zrtezketan fluidoen aplikazioa optimizatzera bideratuta.
Hasteko, toberen diseinuak abiaduraren eta doitasunaren eremuen garapenean duen eragina aztertzen da, CFD erremintak erabiliz (fluidoen dinamika konputazionala). Tobera diseinu berri bat aurkeztu, aztertu eta fabrikatzen da, zeinak zurrustaren ezaugarriak optimizatuta dituen. Artezketa esperimentuek erakusten dutenez, tobera berriarekin posible da gurpilaren bizitza eta azaleraren akabera hobetzea. Bigarrenik, artezketa teknologia berri baten errendimendua ebaluatzen da, zeinak MQLa eta CO2 konbinatzen diren tenperatura baxuan, artezketa proba industrialen bitartez. Emaitzek erakusten dute errendimendua handiagoa dela, marruskadura eta azaleren akaberaren baldintzei dagokienez.
